日出而作

農夫 日出而作 LYRICS
曲：DJ Galaxy
詞：C 君、6 Wing

返工放工　幾點至夠鐘
Sick Leave要點用　開會有乜用
打卡打卡打記得打卡
日出而作　搏一搏　我架單車都變摩托

睡眼惺忪九點鐘　記得起身返工
九個鐘九個鐘每日返九個鐘
個個都要返工　返工先唔使窮　證明你有用
份糧月中已經唔夠用　
第一個鐘輕輕鬆鬆　等第二個鐘
第二個鐘去Site Visit　順便去埋Game Zone
第三個鐘打電話　打成個鐘至接通
之後嗰四個鐘勁多野做喺公司四圍中
入廁所沖吓沖吓　又釣魚中吓中吓
攞杯咖啡沖吓沖吓　沖吓沖吓沖吓沖吓
咁又沖到最尾嗰個鐘
個個睇住個鐘　個個等放工
放工去玩又驚第二朝早起又驚糧尾
返工係一個得閒死唔得閒病嘅遊戲
你老闆唔鍾意你　你唔鍾意份工
鬼叫你鍾意份人工　咁就冇嘢需要理

返工放工　幾點至夠鐘
Sick Leave要點用　開會有乜用
打卡打卡打記得打卡
打卡最型　打唔停　打少一成會雙目失明

大部份嘅老細會低估員工嘅能力
大部份嘅員工會低估老細嘅智力
大部份嘅老細會挑戰員工嘅耐力
大部份嘅員工會問同事攞零食

番工放工　幾點至夠鐘
Sick Leave要點用　開會有乜用
打卡打卡打記得打卡
日搏夜搏先發覺　最鍾意讀書返學

永遠就嚟遲到　班地鐵一定趕唔到
好彩第一個返到　老細又睇我唔到
成個朝頭早已經有鬼咁多嘢做
臨放工終於做到趴喺度
有人冇嘢忙又要扮忙
女同事化完妝又要補妝
係Pantry入面嘅Pantry黨扮開會同一個
Project講完又講
掃把話唔夠數　出嚟捉人去跑數
跑極都係唔夠數　份人工又唔啱數
最唔抵飲完酒晚起唔到身返唔到工
詐病請病假　又要付出代價
好彩呀邊個有醫生紙明碼實價　仲要做緊特價
請夠四日都唔怕
費時返到公司　好似隻死屍
放工去開P　點知要OT
打卡打卡記得打卡　
唔係O咗T有邊個知

返工放工　幾點至夠鐘
Sick Leave要點用　開會有乜用
打卡打卡打記得打卡
(喂　今晚我要早走呀　你可唔可以幫吓我手呀)

番工放工　幾點至夠鐘
Sick Leave要點用　開會有乜用
打卡打卡打記得打卡

Elaine's send me this song, she claimed that this is both of us wo..hahaha..i think this refer to eveyone who is working. i beg everyone having dis feeling and facing the same problem as well.hahaha...